Apoiu CPLP importante ba protesaun tasi Timor-Leste nian- PM

Kooperasaun
no apoiu CPLP nian ne’e importante ba Timor-Leste hodi bele konsege dezenvolve
ninia komponente naval no  instrumentu
seluk ne’ebé ajuda hametin  defeza ba
tasi no rekursu mariñu, hatete ohin primeiru-ministru timoroan.

“Timor-Leste
rekoñese difikuldade ne’ebé liga ba iha protesaun iha tasi, ba kombate peska
ilegál, kriminalidade transakionál no tráfiku ilísitu. Rekoñese moos ba
nesessidade servisu iha kooperasaun ho parseiru sira iha matéria seguransa
maritima nian”, afirma  Rui Maria de
Araujo.

“Iha  Timor-Leste, komponente naval no polísia
marítima fundamental tebes  ba seguransa
no protesaun  tamba ne’e krusiál liu atu
iha kooperasaun entre ita nia nasaun sira hodi 
kontribui ba reforsu kapasidade hirak ne’e”, nia afirma.

Xefe
Governu koa’lia iha  sesaun abertura ba
reuniaun ministros da Defesa da Comunidade de Países de Língua Portuguesa
(CPLP) badala  XVII, hala’o ohin iha Díli
ne’ebé partisipa delegasaun hotu hosi Estadu luzófonu sia.

Iha
kazu timoroan nian, Rui Maria Araújo hatete, ninia polítika Defeza hatuur
iha”paradigma seguransa kooperativu, ligadu ba interdependénsia ekonómiku,
emerjénsia kuadru normativu komun sira no reforsu konfiansa mútua entre Estadu
“.

Tendénsia
ne’ebé sei evidensia iha nível globál, ho kooperasaun  bilaterál no multilateral ne’ebé sa’e maka’as,
ho dala barak liu instrumentu formál no informál, liga iha rede, fortalese tan
“desnasionalizasaun iha orientasaun polítika no polítika iha seguransa
nian”, nia hatutan.

Rui
Araújo konsidera, ámbitu ne’e, importánsia komponente Defeza CPLP nian, ne’ebé  kontribui 
hodi halo ” dinámika foun iha projesaun internasionál” iha
luzofonia, koloka komunidade ida ne’e iha”nível aas liu, termu rejionál no
globál”.

Governante  ne’e refere 
importánsia kooperasaun ne’e iha 
aspetu sira hanesan defeza iha tasi “iha ameasa foun sira ba
rekursu ne’ebé moris no ne’ebé lamoris” no protesaun iha rekursu naturál,
kestaun “estratéjika indissosiável iha kestaun defeza no seguransa”.

Rui
Araújo destaka aspetu kooperasaun iha CPLP hanesan  ezersísiu hamutuk Felinu, iha edisaun 15.ª,
ne’ebé permite ” artikulasaun di’ak iha operasaun forsa nian, reforsu iha
amizade no konfiansa entre nasaun  CPLP
no modernizasaun no profissionalizasaun forsa sira”.

Nia
afirma katak kontribui ba nia empeñu no kredibilizasaun iha nível rejionál no
internasionál, liliu foka ba iha assisténsia umanitária no manutensaun ba pás.

SAPO
TL ho Lusa

Publicada
por TIMOR AGORA